Kyzylorda-News.kz

     Тілдер күні - Қазақстанның барлық азаматтарының достық, туыстық және бірлік белгісі. Халықтар достығы - Қазақстан Республикасының негізі және Елбасы Н.Ә.Назарбаевтың «Қазақстанды үшінші жаңғырту: жаһандық бәсекеге қабілеттілік» атты республикалық халыққа Жолдауының басымдықтарын жүзеге асырудың жолы.

    Қызылорда облысы Төтенше жағдайлар департаменті өрт сөндіру және авариялық-құтқару жұмыстары қызметінің мәжіліс залында Қазақстан халықтарының тілдері күнін мерекелеу аясында «Мемлекеттік тіл - менің тілім» атты байқау өтті. Байқауға қала өрт сөндіру бөлімшелерінің 5 қызметкерден құрылған командалар қатысты.  

    Бірнеше кезеңнен тұратын байқауда қазылар алқасы қатысушылардың тілді меңгеруіне, ұлттық салт-дәстүрлер көрінісіне, музыкалық нөмірлерге баса назар аударды.  

    Нәтижесінде бірінші орынды №1 мамандандырылған өрт сөндіру бөлімінің қызметкерлері, екінші орынды №2 мамандандырылған өрт сөндіру бөлімі қызметкерлерінен құралған команда жеңіп алды. Үшінші орынға №11 өрт сөндіру бөлімі ие болды. Жеңімпаздарға сертификаттар мен сыйлықтар табыс етілді.