ҚАЗАЛЫНЫҢ АЛТЫН МЕДАЛЬДЫ ҚАРА КҮЛӘБІСІ
Қазалы ауданы ауылшаруашылығына негізделген аймақ. Бұл сала мемлекеттің қолдауымен жақсы дамуда. Жыл басынан бері 2 млрд. 494,4 млн теңгенің өнімі өндіріліп, өткен жылдың тиісті кезеңімен салыстырғанда өсім 147,5 млн. теңгені құрады.
Өткен жылы аудан диқандары егілген 6670 гектар күріштің әр гектарынан 49,6 центнерден өнім жинап, ел қамбасына 33 мың тоннадан астам астық құйды. Бұл рекордтық жетістік. Биыл 17355 гектар егін егіліп, негізгі дақыл күріш 6800 гектарды құрады. Бүгінде ауданда егін жинау науқаны басталып кетті.
Аудан күрішпен қатар қауынмен де алыс-жақын шет елдерге атағы жайылған өлке. Осыдан тура 70 жыл бұрын Бельгия астанасы Брюссельдегі халықаралық көрмеде Қазалының қара күләбісі алтын медаль иемденген болатын.
Қазір ел арасында қауынның осы тұқымын егіп отырғандар әлі де кездеседі.
