ОӨАЖҚЖ МАМАНДАРЫ АПАТҚА ҰШЫРАҒАН ЖҮРГІЗУШІНІ ҚҰТҚАРДЫ
Бүгін 6 сағат 23 минутта Оңтүстік өңірлік аэроұтқыр жедел құтқару жасағының кезекшілік бөліміне Абай даңғылы және Бөкейхан көшесінің қиылысы маңында жол көлік оқиғасы орын алғаны жөнінде хабар түсті.
Шақырылған жерге жедел түрде 4 құтқарушы шықты. Оқиға орнына жедел жеткен олар БМВ маркалы автокөліктің жүргізушісінің басқаруға ие бола алмай, көлігін жанармай құю станциясының қоршауына соққандығын анықтады. Күшті соққыдан қоршаудың темірі алдыңғы терезеден өтіп, жүргізушінің кеудесіне кірген. Құтқарушылар бірден жүргізуші көкірегіндегі темірді кесуге кірісті. Оның естен танып қалмауын да қадағалады. Зардап шегушінің кеудесінде қалған темірдің бөлігін алмай, сол жерге келген жедел жәрдем қызметкерлеріне тапсырды.
Құтқарушылардың жедел іс-әрекеттерінің нәтижесінде автокөлік жүргізушісі тірі қалды.
