ЖАСТАР ЖЕМҚОРЛЫҚҚА ҚАРСЫ
Бүгінгі күні сыбайлас жемқорлық қоғамдағы жегі құртқа айналып отырғаны белгілі. Осыған байланысты елімізде сыбайлас жемқорлықтың алдын алу үшін барлық бағытта мақсатты жұмыстар жүргізіліп келеді және осы бір әлеуметтік аурудың алдын алу және әшкерелеу үрдісі жылдан жылға өсе түсуде. Жат әдеттің алдын алу шараларына үн қосуды көздеген Ә.Тәжібаев атындағы облыстық әмбебап ғылыми кітапханасы да «Жастар сыбайлас жемқорлыққа қарсы» атты ең үздік эссеге байқау жариялап, оған 15-21 жас аралығындағы оқырмандар қатысқан болатын.
Байқауға қатысқан 22 оқырманның еңбектерін сараптай келе, әділқазылар алқасының қорытындысы бойынша «Абылай хан» атындағы колледж студенті Мөлдір Әбдірауышова, Қызылорда экономикалық колледжінің студенттері Мөлдір Шегебай мен Сымбат Нұрлан дипломант атанды.
