БЕЙНЕБАҚЫЛАУ КАМЕРАСЫНА ТҮСКЕН ҰРЫ ҰСТАЛДЫ
Қызылорда қалалық ішкі істер басқармасының Жедел басқару орталығының кезекші инспекторлары Жаппасбай батыр көшесінде орналасқан бейнебақылау камераларымен аумақты шолу барысында автокөліктің магнитоласын ұрлап бара жатқан бір азаматты байқайды. Жедел түрде оқиға орнына «Боран» экипажы жіберіліп, нәтижесінде Қызылорда қаласының 30 жастағы тұрғыны ұсталады. Қызылорда ОІІД баспасөз қызметінің хабарлауынша бұл оқиға сотқа дейінгі тергеп-терсерудің бірыңғай тізіліміне Қазақстан Республикасы Қылмыстық кодексінің 188-бабымен тіркеліп, тиісті тергеп-тексеру жұмыстары жүргізілуде.
Атап өтерлік жайт, жыл басынан бері бейнебақылау камераларының көмегімен 97 қылмыстың беті ашылып, 22 686 әкімшілік құқық бұзушылық анықталды.
