Kyzylorda-News.kz

 

    Шиелі ауданында «Отбасы күні» мерекесіне орай «Мерейлі отбасы – 2017» ұлттық конкурсына қатысқан отбасылар мен жақында шаңырақ көтерген бірқатар отбасыларды марапаттау рәсімі өтті.

    Исламхановтар отбасы "Мерейлі отбасы" ұлттық конкурсының аудандық, облыстық кезеңінен бас жүлдені иеленіп, республикалық кезеңге жолдама алды. Облыс бойынша 337 отбасы қатысқан байқауда бас жүлдеге қол жеткізу лайықты жеңіс.

    Салтанатты шарада Шиелі аудандық мәслихатының хатшысы Ә.Оразбекұлы, аудандық ардагерлер кеңесінің төрағасы С.Оразымбетов, аудан ардагерлері сөз алып, жас отбасыларды құттықтап, Исламхановтар отбасына сәттілік тіледі. Шара барысында барлық отбасыларға алғыс хаттар мен сыйлықтар табысталды!