Kyzylorda-News.kz

     Эльмира Жаңабергенова 1970 жылы 6 желтоқсанда Қызылорда облысы, Арал ауданы, Аманөткел ауылында дүниеге келген. Арал өңірі мен Сыр бойындағы жыраулық дәстүрді жалғастырушы, белгілі термеші, жыршы, әнші, қазақтың әуендік өнерін тек Қазақстанның ғана емес, әлем елдерінің үлкен сахналарынан үздіксіз насихаттап, тыңдармандарын үнемі таңғалдырып жүрген ҚР-ның Еңбек сіңірген қайраткері, ҚР-ның Мәдениет қайраткері, өнертану кандидаты.

    Әнші «Аралдан ұшқан аққу ем...» атты шағын кітабының 1-бөліміне өзінің төл туындыларын (мақамдарын, әндерін, жыраулық дәстүр жайлы мақалаларын), баспасөз беттерінде жарық көрген сұхбаттарын, «Халық пен достың тілегі, жаныма қуат береді» деп аталатын 2-бөліміне өзі жайлы жазылған әңгімелерді, очерктерді, мақалаларды, «Жүректен шыққан жылы лебіз» атты 3-бөліміне өзіне арналған өлеңдерді, әндерді, толғауларды, хат-өлеңдер мен күйлерді, ал «Шетелдерден хат-хабар» атты 4-бөліміне ол жақтағы фестивальдарды ұйымдастырушылар мен ғалымдардан келген хаттар мен қайтарылған жауаптарды (ағылшынша) топтастырған.