Kyzylorda-News.kz

     Қызылорда облысы ТЖД Азаматтық қорғау органдарының музейіне кәсіби даярлық мектебінің 24 тыңдарманы келіп, музейдегі жәдігерлермен танысты. Тыңдармандардың жетекшісі кәсіби даярлық мектебінің аға оқытушысы азаматтық қорғау аға лейтенанты Самат Нұрғалиев өз сөзінде музейден алған рухани әсерінің ерекше екендігін жеткізді. «Мұнда өрт сөндіру, төтенше жағдайдың алдын алу қызметтерінің тарихы жөнінде, аянбай қызмет еткен тұлғалар жайлы, әр түрлі құтқару құралдары туралы кеңінен мағұлмат алуға болады»,-деді ол.  

    Аталмыш музей 2016 жылғы желтоқсанда Қазақстан Республикасының Тәуелсіздігі күніне орай қайта жаңартылып ашылған болатын. Жыл басынан бері азаматтық қорғау органдарының музейіне кәсіби даярлық мектебінің 400 тыңдаушысы келген. Сонымен бірге мектеп оқушыларынан бастап, ата-аналар, түрлі сала қызметкерлері, ардагерлер  және облыс әкімшілігі өкілдері музей жәдігерлері мен экспонаттарын тамашалады. Қызылорда облысы ТЖД Музейінің меңгерушісі Кәмшат Ерімбетованың айтуынша, алдағы уақытта әлі де музейді экспонаттармен толықтыру жұмыстары жалғасын табатын болады.