«НАРТАЙДЫҢ БҮЛДІРШІНДЕРІ»
30-31 тамыз аралығында Қызылорда облыстық Н.Бекежанов атындағы қазақ музыкалық драма театры ұжымының «Нартайдың бүлдіршіндері» қуыршақ тобы Халықаралық мамандандырылған «ЭКСПО-2017» көрмесі аясында Астана қаласы Қ.Қуанышбаев театрында Г.Ландаудың «Балапан қораз» спектаклін балақайларға ұсынып қайтты. Спектакльде шынайы достық тақырыбы суреттеледі. Бөрібасар атты иттің кішкентай балапанға деген қамқорлығы мен үлкендік ізгі әрекеттері балаларға тағылымды тәрбие береді. Спектакль балаларға жан-жануарлардың әрекеттері арқылы өмірдегі жамандық пен жақсылықты, қамқорлық пен зұлымдықты қалай ажыратуға болатынын хабардар береді.
Астаналық кішкентай көрермендерге керемет көңіл-күй сыйлаған театр ұжымына ата-аналар, балабақша тәрбиешілері өздерінің ыстық ықыластарын білдіріп, алдағы уақытта осындай қазақ тіліндегі балалар спектаклімен жие келіп тұрыңыздар деген ізгі ниеттерін білдірді.
«Нартайдың бүлдіршіндері» қуыршақ тобы елордалық балаларға жақсы деңгейде өнер көрсетіп қайтты.
