«АРАЛ-АС» ЖАЙДАРМАН ТОБЫНА - 10 ЖЫЛ
Аудандық жастар ресурстық орталығының ұйымдастыруымен «Арал-Ас» жайдарман тобының он жылдығына орай орталық алаңда мерекелік концерт өткізілді. Кешке аудан өнерпаздары мен «Арал-Ас» командасының жетекшісі Т.Дәрмағамбетов, Ғ.Махамбетов және А.Скендіровтер қатысты.
Кеш барысында команда мүшелері топты әрдайым қолдап келе жатқан бірқатар демеушілерге алғыс хаттармен марапаттады.
Бұдан әрі мерекелік концерт «Арал-Ас» командасы мүшелерінің, команда ізбасарларының мерекелік тартуына ұласты.
Кеш соңында аудандық жастар ресурстық орталығының директоры Ә.Ізбасаров сөз алып, команданың 10 жылдығымен құттықтап, шығармашылық табыс тілеп, аудан жастары атынан арнайы дайындалған сыйлығын тапсырды.
Команда өзінің 10 жылдығын келер жылы үлкен көлемде концерттік бағдарламасымен атап өту жоспарлануда.
