ҚОҒАМДЫҚ КОМИССИЯ ЖҰМЫСЫН ҚОРЫТЫНДЫЛАДЫ
Бұған дейін қалалық қоғамдық кеңес мүшелері, қалалық білім, ішкі саясат бөлімі, үкіметтік емес ұйым мүшелері, мектепке дейінгі білім беру ұйымдарының өкілдерінен құралған қоғамдық комиссия Қызылорда қаласындағы мектепке дейінгі білім беру ұйымдарының жұмысын зерделеген болатын. Кеше қоғамдық комиссия жұмысын қорытындылап, анықталған кемшіліктер бойынша заңдылыққа сәйкес тиісті шара көру туралы қалалық білім бөлімі мен қалалық қоғамдық денсаулық сақтау басқармасына (бұрынғы СЭС) ұсыныс білдірді.
Алдағы уақытта кемшілік анықталған балабақшалар бойынша қабылданған шаралар туралы қалалық қоғамдық денсаулық сақтау басқармасының арнайы хабарламасын тыңдауға шешім қабылданды.
