Kyzylorda-News.kz

Орта Азия және бүкіл Шығыс жастарының жалынды жетекшісі, қасиетті Қазалы топырағында дүниеге келген Ғани Мұратбаевтың туғанына 115 жыл толуына орай Қазалы ауданында облыстық деңгейде байқау өткізілмек.

Бұл үшін облыс көлемінде белсенді жастар арасында іріктеу жарияланып, белсенді жастар «Ғани Мұратбаев» атындағы сыйлықпен марапатталатын болады.

1. Республикалық«Ғани Мұратбаев» атындағы жастар сыйлығы(бұдан әрі - Сыйлық) Қазақстандық патриотизмді арттыруға елеулі үлес қосқан жас дарынды белсенділерді қолдау мақсатында өткізіледі. Сонымен қатар, Сыйлық талантты жастарды ынталандыру және олардың айрықша сіңірген еңбегін тану мақсатында беріледі.

2. Сыйлықты беру мақсаттары:

1)    Қазақстан халқының бірлігін нығайту, қоғамдық келісімді қамтамасыз ету;

2)    жастарды жан-жақты дамыту және қазақ тілін, мәдениетті, өнерді, дәстүрлерді, тарихи мұраны жастар ортасында насихаттау;

3)    Қазақстанның жас патриоты бейнесін көпшілікке тарату.

    2. Сыйақыларды тағайындау және дипломдар мен бағалы сыйлықтарды тапсыру рәсімі шығыс жастарының жалынды жетекшісі «Ғани Мұратбаевтың туған күніне байланыстырылады.

    3. Сыйлық иелерін анықтау және сыйлықтарды тағайындау комиссия (бұдан әрі - Комиссия) шешімімен жүзеге асырылады.

    4. Комиссия құрамына облыс, аудан әкімі аппаратының жауапты қызметкерлері, депутаттар, қоғам қайраткерлері, жастар ұйымдарының және  үкіметтік емес ұйымдардың өкілдері, сала мамандары, БАҚ өкілдері кіре алады.

    5. Конкурстың жұмысшы органы Қазалы ауданының әкімдігі (бұдан әрі - ұйымдастырушы) болып табылады.

    6. Осы Ереже конкурсқа қатысуға үміткер барлық тұлғаларға танысу үшін ұсынылады және бұқаралық ақпарат құралдарында жарияланады.  

    7. Жеңімпаздар байқауға қайта қатысуға 5 жылдан кейін ғана құқылы.

    8. Сыйлық жылына бір рет, Комиссия шешімімен белгіленген номинациялар бойынша тағайындалады.

    9. Үміткердің бір ғана конкурстық өтінім беруге құқығы бар.

    10. Сыйлықтың әр номинация бойынша ақшалай мөлшерiн Қазалы ауданы әкімдігі жыл сайын белгiлейдi.  

    11. Конкурсқа жіберілген материалдар қайтарып берілмейді.

    12. Сыйлық жеңімпазына «Ғани Мұратбаев» сыйлығының дипломы, омырауға тағатын белгi,  ақшалай және естелік сыйлығы беріледі.

    13. Сыйлық Ғани Мұратбаевтың туған күнінде туған жері – Қазалы ауданында салтанатты түрде тапсырылады.  

    1. Сыйлыққа қатысушылар:

Сыйлықты алуға үміткер ретінде 35 жасқа дейінгі жоғары кәсіби жетістіктері бар Қазақстан Республикасының азаматтары бола алады.  

    2. Сыйлық келесі бағыттар бойынша беріледі:

мәдениет пен өнер саласындағы жетістіктері (қыл қалам шеберлері) үшін;

білім және ғылым саласындағы жетістіктері үшін;

әдебиет және журналистика саласындағы жетістіктері (ақын немесе шығармашыл жастар) үшін;

спорт саласындағы жетістіктері үшін;

мемлекеттік тіл саясаты саласындағы жетістіктері үшін;

Қазақстандық патриотизмді қалыптастыру ісіндегі қоғамдық-саяси белсенділігі үшін.

Қоғамдық қызметтегі жетістіктері үшін.

    1. Бастапқы кезең.

Конкурсты өткізу және оған қатысу шарттары туралы хабарландыру бұқаралық ақпарат құралдарында 1 (бір) ай аралығында жарияланады.

    2. Негізгі кезеңі.

Конкурсқа қатысушылар жазбаша нысандағы өтініш және материалдарын электрондық немесе қағаз түрінде Ұйымдастырушыға ұсынады.

Конкурсқа үміткерлердің материалдары Ұйымдастырушының мекен-жайына келіп түседі.

Ұйымдастырушы Сыйлықты тағайындауға 10 күн бұрын материалдарды әр номинация бойынша бөліп, тізімін қалыптастырады және Комиссияның қарауына ұсынады.

Комиссия өз жұмысының нәтижелері бойынша Сыйлық жеңімпаздарын белгілейді.

    3. Сыйлық бойынша номинациялардың саны  25-дан аспауы тиіс.

1. Комиссия сыйлыққа үміткерлерді таңдау кезінде келесі критерийлерді басшылыққа алады:

үміткердің қоғамда алатын орны мен беделі;

шығармашылық жобасының мән-мағына тұрғысынан тереңдігі;

қазақстандық патриотизмді нығайтуға қосқан үлесі;

ұлтаралық достастық пен келісімді нығайтуға тигізген әсері;

ұлттық мәдениетті, тілді, өнерді, салт-дәстүрлерді насихаттау мен жаңғыртуға қосқан үлесі;

жеке, кәсіптік, байқау жұмыстарымен жеткен жетістіктері үшін қоғамдағы танымалдылығы.

Комиссия шешім шығару барысында шығармашылық және кәсіби одақтардың, қоғамдық бірлестіктердің пікірін ескеруге құқылы.

Комиссия шешімі ашық дауыс беру жолымен қабылданады және оған Комиссия мүшелерінің жалпы санынан басым бөлігі дауыс берсе, қабылданған деп саналады. Дауыстар тең болған жағдайда, төрағаның дауысы шешуші болып табылады. Шешім хаттамамен ресімделеді.

1. Комиссия:

барлық қатысушылар үшін тең жағдай жасауға;

Сыйлықты өткізудің жариялығын қамтамасыз етуге;

Сыйлық нәтижелері туралы мәліметтердің уақытынан бұрын жария етілуіне жол бермеуге міндетті.

Спектакльдердi, кино және телефильмдердi, бейнелеу өнерiнiң көрмелерiн қарауды, концерттiк бағдарламалар мен музыкалық шығармаларды тыңдауды ұйымдастыру, сыйлыққа ұсынылғандардың қызметімен танысуға.

Комиссия:

ұсынылған жұмыстар осы Ереженің талаптарына сәйкес келмеген жағдайда, үміткерді конкурсқа қабылдамауға;

келіп түскен материалдарға баға беруге;

Сыйлықты тағайындай отырып, конкурс қорытындыларын шығаруға;

комиссия мүшелері өз өкілеттігін теріс пайдаланғаны анықталған жағдайда Сыйлық беру қорытындыларын жоққа шығаруға құқылы.

1. Үміткер:

Сыйлықты өткізу шарттары мен тәртібі туралы ақпарат алуға;

Ұйымдастырушы органынан осы Ереженің тармақтары бойынша түсіндірме алу үшін жүгінуге құқылы.

Осы Ереженің талаптарына сәйкес ресімделген материалдарды уақытылы ұсынуға;

Осы Ережеде көзделген шарттарды сақтауға міндетті.

Үміткер материалдар мен түйіндемеде көрсетілген ақпараттардың шынайылығына қойылатын талаптарды бұзғаны үшін, сондай-ақ осы Ережеде белгіленген шарттарды сақтамағаны үшін жауапты болады.

-    1.Өз саласы бойынша жоғары және жақсы көрсеткіштерге  қол жеткізгені үшін;

-    Әлеуметтік маңызды жобалар және қоғамдық өмірге белсене қатысуы

-    Мемлекеттік жастар саясатын жүзеге асыру және жетілдіру бойынша қосқан жаңашыл бастамалары;

-    Жеке басының жетістіктері

-    Облыстық, республикалық, сайыстарға қатысуы және жеңімпаз аталуы;

-    Жұмыс орнынан /оқу орнынан/, саласы бойынша мемлекеттік мекемелер мен ұйымдардан ұсыным хаттары (қол жеткізген жетістіктері мен марапаттарын көрсете отырып);

-    Түйіндеме (қазақ және орыс тілдерінде, 3х4 фотосуретімен);

-    Өмірбаяны;

-    Жұмыс орнынан /оқу орнынан/ анықтама;

-    Орта арнаулы немесе жоғары білімі туралы диплом (көшірмесі);

-    Жетістіктері (алғыс хаттары, мақтау қағаздары, дипломдары және т.б) сканер арқылы жасалған көшірмелері;

-    «Мен осы сыйлыққа неге лайықтымын?» тақырыбында жазылған эссе (кемінде 1,2-2 беттен кем емес);

-    Мемлекеттік жастар саясатын жүзеге асыру бойынша өткізген, қатысқан шаралары жайлы мәлімет, жарияланған мақалалар, жүзеге асырған жобалары және басқа да ұсыныс, кепілдеме хаттары;

-    10х15 фотосуреті (1 дана, электронды нұсқасымен);

-    Жеке куәлігі (көшірмесі), тұрғылықты мекен-жайы бойынша анықтама.

Құжаттар беттеліп, бекітіліп ұсынылуы қажет (портфолио түрінде).

Ескерту:Республикалық жастар сыйлығын табыстау салтанаты 2017 жылғы қыркүйек айының ІІІ он күндігінде өткізілетіндігін және мерзімі өзгерген жағдайда қосымша хабарланатындығын білдіремін. Тапсырылған құжаттар рәсімдеу талаптарына сәйкес келмеген немесе толық ұсынылмаған жағдайда қарастырылмайды.

Қосымша ақпараттарды: Қ.Пірімов көшесі №5 Әйтеке би кенті әкімі аппараты ғимаратының 2 қабатында орналасқан «Қазалы ауданының ішкі саясат бөлімі» коммуналдық мемлекеттік мекемесінен алуға болады.

8/724 38/ 22-0-13, 8/724 38/ 23-7-00.