ЖЕРЛЕСІМІЗГЕ ЖАНКҮЙЕР БОЛАЙЫҚ
Бүгін Алманияның Гамбург қаласында бокстан әлем чемпионаты 19-ші рет жалау көтереді. Гамбургте 25 тамыз бен 3 қыркүйек арасында өтетін әлем чемпионатына Қазақстан командасы мына құрамда өнер көрсетеді: Ержан Жомарт (49 кг), Азамат Исақұлов (52 кг), Қайрат Ерәлиев (56 кг), Әділет Құрметов (60 кг), Бекдәулет Ибрагимов (64 кг), Абылайхан Жүсіпов (69 кг), Әбілхан Аманқұл (75 кг), Ерік Әлжанов (81 кг), Василий Левит (91 кг) және Қамшыбек Қоңқабаев (+91 кг). Бұл боксшылардың бәрі де әлем чемпионатына жолдаманы Ташкенттегі Азия біріншілігінде маңдай терін төгіп алды.
Бокстан әлем чемпионатында Қызылорда облысының Жоғары спорт шеберлігі мектебінің спортшысы Қамшыбек Қонқабаевтың өнерін «Казспорт» телеарнасынан тікелей эфирде тамашалай аласыздар.
