Kyzylorda-News.kz

     Мұсылмандардың ұлық мерекесі Құрбан айт биыл қыркүйектің 1,2,3 күндері тойланады. Айт намазы барлық мешіттерде таңғы сағат 8.00-де оқылады. Бұл туралы бүгін Өңірлік коммуникациялар қызметінде өткен баспасөз конференциясында ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Талғат Омаров мәлімдеді.

    Айт күндері аймақ мешіттерінің жанынан санитарлық талаптарға сай қасапхана жұмыс істейді.

    Баспасөз конференциясында Құрбан айт мейрамында өтетін шаралар туралы айтылды.

    «Айттың алғашқы күнінде орталық мешіт алаңында киіз үйлер құрылып, дастархан жайылады. Көпшілікке арнап ұлттық сайыстар, айтыс өткізіледі. Ал 27 тамыз күні сағат 11.00-де С.Майқанова атындағы мәдениет үйінде «Ұлық мереке – Құрбан айт» атты рухани кеш өтпек», - деді облыстың өкіл имамы Талғат Омаров.