Kyzylorda-News.kz

     Қазақстан Республикасы Ішкі істер министрлігі Қылмыстық-атқару жүйесі Комитетінің 2012 жылғы 21 шілдедегі № 69 бұйрығына сәйкес Қызылорда облысы бойынша ҚАЖ департаментінің ЗК-169/1 мекемесінде жыл сайынғы дәстүрге айналған  жазғы спартакиада жалауын көтерді.

     Жарыста жазасын өтеушілер спорттың бірнеше түрінен сынға түседі. Спартакиада ЗК-169/1  мекемесі басшылығының нұсқаулығымен жоспар бойынша өткізілуде. Спартакиада Қылмыстық-атқару жүйесі департаментіне қарасты  мекемелерінде  01 - 30 тамыз аралығында  өтетін болады.

    Жазғы спартакиаданы өткізуге комиссия құрамы мен  қазылар алқасы бекітілді. Мекемедегі жазғы спартакиаданы  салтанатты түрде Қызылорда облысы бойынша ҚАЖ департаменті ЗК-169/1 мекемесі бастығының міндетін атқарушы әділет подполковнигі А.Тасқараев ашып, спартакиадаға қатысушыларға сәттілік тіледі.

    Жазасын өтеушілер спорттың шахмат, дойбы, волейбол, шағын футбол, қол күресі, арқан тартысы, ұзындыққа секіру, жеңіл атлетикадан командалар жасақтап, сынға түсті. Командалық жарыстар тартысты және қызықты өтті.

    Шара соңында жеңімпаз командалар  мекеме бастығының алғыс хатымен марапатталды.