ЖАҢАҚОРҒАНДАҒЫ КӘСІПОРЫНДАР ЭЛЕКТР ЖАРЫҒЫМЕН ЖАБДЫҚТАЛДЫ
Биыл «Жаңақорған ауданы «Сарман-Тастақ-Жаңақорған» ЖШС электрмен жабдықтау» жобасы бойынша құрылыс-монтаждау жұмыстары жүргізілді. Нәтижесінде ағымдағы жылы Қызылорда облысы Жанақорған ауданындағы қыш, ұсақ тас және темірбетон зауыты тұрақты электрмен жабдықталды. Қызылорда облысының энергетика және тұрғын үй-коммуналдық шаруашылық басқармасының мәліметінше «Қармақшы ауданы Төретам кентіндегі 35/10 кВ №22 ҚС-сын кеңейту және қайта жаңғырту», «Қармақшы ауданы Төретам кенті мен Ақай а/о 6-10/0,4 кВ электр желілерін кеңейту және қайта жаңғырту», «Қармақшы ауданы Жосалы кентіндегі 220/35/10 кВ «Жосалы» ҚС-сын қайта жаңғырту» жоба-сметалық құжаттамалар әзірленуде.
Сондай-ақ, «Қызылорда қаласы Сырдария өзенінің сол жақ жағалауын электрмен қамту, 1 кезеңі» жобасының құрылыс-монтаждау жұмыстарын жүргізуге мемлекеттік сатып алу жұмыстары жүргізілуде.
