БЮДЖЕТ ҚАРЖЫСЫ ҮНЕМДЕЛДІ
Қызылорда облысы әкімінің қаулысымен облыстық бағдарлама әкімшілері үшін, басқарма бірыңғай ұйымдастырушы болып айқындалып, жалпы сомасы 1 млрд. 864 млн. теңгеге Қызылорда облысы ІІД-нің Жалағаш аудандық ішкі істер бөлімі ғимаратының құрылысы және Қызылорда облыстық ІІД-нің әскери және арнайы дайындығы бойынша оқу-жаттығу полигоны құрылысы жұмыстарына мемлекеттік сатып алулар өткізіліп, нәтижесімен 194 млн. теңге үнемделді. Бұл туралы бүгін Өңірлік коммуникациялар қызметінде өткен баспасөз мәслихатында облыстық мемлекеттік сатып алу басқармасының басшысы Жанзира Ерсейітова мәлімдеді. Тапсырыс берушілер бізді ұйымдастырушы ретінде айқындап 25 млрд. 327 млн. теңгеге 98 мемлекеттік сатып алуды ұйымдастырып, оның ішінде аяқталған 80 конкурс және аукционның қорытындысы бойынша 1 млрд. 655 млн. теңге үнемделді, - дейді ол.
Жалпы үнемделген 2 млрд. 286 млн. теңге қаржының 631 млн. немесе 27 пайызы облыстағы барлық тапсырыс берушілердің тиесілі болса, 1 млрд. 655 млн. теңге қаржысы немесе 72 пайызы басқарманың үлесі.
