МЕНІҢ ТАҢДАУЫМ - БАЛАЛАРҒА КӨМЕК КӨРСЕТУ!
Еліміздің барлық қалаларында «Менің таңдауым - балаларға көмек көрсету!» республикалық қайырымдылық шарасы өтіп жатыр. Осы шарадан ҚР ІІМ ТЖК «Оңтүстік өңірлік аэроұтқыр жедел құтқару жасағы» ММ құтқарушылары да тыс қалмай, аталмыш шараға өз үлестерін қосты. Қызылордалық құтқарушылар материалдық көмек жинап, төрт баланы тәрбиелеп отырған жалғыз басты ананың отбасына көмектесті. Балаларға мектеп құралдары, спорттық киімдер мен аяқ киім алынды.
- Егер Қазақстанның әрбір еңбекке жарамды азаматы тұрмысы төмен жанұялардын балаларына көмек қолын ұсынса, тағдыр өкпелеткен балалар қуанып қалатын еді. Әрбір балаға мектепке өз жолын табуға үлес қосайық, - дейді «Оңтүстік өңірлік аэроұтқыр жедел құтқару жасағы» құтқарушылары.
