ҚОЛӨНЕР КӨРМЕСІ ӨТКІЗІЛДІ
Арал аудандық пробация қызметі мен «Арал аудандық мәдениет үйі» мемлекеттік комуналдық қазыналық кәсіпорны бірлесіп жастарды ауқымды іс-шараларға тарту, көркем шығармашылыққа баулу мақсатында Арал аудандық пробация есебінде тұрған қоғамнан оқшаулауға байланысты емес жаза түрлеріне сотталғандарды қатыстыра отырып «Шебердің қолы ортақ» атты қолөнер көрмесін өткізді. Көрмеде сотталған Е.Нұрмағамбетов ағаштан ойып жасалған әшекей бұйымдар сақтайтын кішкене сандықша жасап, бірінші орынды еншілесе, Т.Құтмағамбетов қолдан өрілген қазақы қамшылармен екінші орынды иемденді.
Көрмені көруге келген көрермендер мен жеке кәсіпкерлер тарапынан сұраныстар түсіп, алдағы уақытта аталған заттарды көптеп жасау керектігі айтылды. Осы атқарылып жатқан іс-шаралардың барлығы сотталғандардың қоғамға деген оң көзқарасын қалыптастырып, олардың қандайда бір құқық бұзушылықтарға жол бермей, өз болашағы өз қолдарында екендігіне көз жеткізу болып табылады. Бұл да болса, сотталғандардың қоғамға өздерінің қажеттілігін білуіне жасалған игі шара болды.
