ӘБІЛ ҚАЛЫМБЕТОВТІ ЕСКЕ АЛУҒА АРНАЛҒАН ДӘСТҮРЛІ ТУРНИР ӨТЕДІ
Қызылордада футболдан жасөспірімдер арасында белгілі футболшы Әбіл Қалымбетовті еске алуға арналған республикалық турнир өтеді. Биыл бесінші мәрте ұйымдастырылған турнирге Жамбыл, Оңтүстік Қазақстан және Қызылорда облыстарынан 8 команда қатысады.
Спорт секцияларында дәріс алып жүрген жасөспірімдердің шеберлігін нығайтып, спорттың бұқаралығын арттыру, облыс құрама командасын үздік ойыншылармен толықтырып, салауатты өмір салтын насихаттауды көздеген турнир ертең сағат 9:00-де «Локомотив» стадионында басталады.
Жарыс қорытындысы бойынша футболшылар номинациялармен (үздік қақпашы, үздік қорғаушы, үздік жартылай қорғаушы, үздік шабуылшы, үздік ойыншы) марапатталады.
Жеңімпаз және жүлдегер командаларға диплом, кубок және бағалы сыйлықтар беріледі.
