Kyzylorda-News.kz

     Осы жылғы 1-30 тамыз аралығында Қызылорда облысының ҚАЖ департаментінің ЗК-169/5 мекемесінде жазасын өтеуші сотталғандар арасында дәстүрге айналған  жыл сайынғы жазғы спартакиада өтіп жатыр. Салауатты өмір салтын насихаттау, дене шынықтыру және спорттық дайындықтар арқылы жазасын өтеп жатқандардың денсаулықтарын нығайтуды көздеген шараға қатысушылар қатары қалың.

    Спартакиадаға қатысушылар дойбы, шахмат, стол теннисі, мини-футбол, волейбол, гір көтеру спорты, қол күресінен сынға түсіп, жеңіл атлетикалық бағдарлама шартына орай 100 метрлік эстафета жүгірді. Қаппен жүгіруден жарыс өтіп, бағанада тартылу және ұзындыққа секіруден сайысты.

    Спартакиада қорытындысы бойынша жеңімпаздарға дипломдар мен бағалы сыйлықтар беріледі.