«ҚАЗАҚФИЛЬМ» ҚЫЗЫЛОРДАДА КАСТИНГ ӨТКІЗЕДІ
Үстіміздегі жылдың 29 және 30 тамызында Қызылорда қаласы, А.Тоқмағанбетов атындағы Мәдениет үйінде кастинг өтеді. «Қазақфильм» еліміздің бірқатар облысында кастинг өткізеді «Қазақфильм» киностудиясының екі бірдей ауқымды жобалары – «Елбасы жолы. Бейбітшілік кіндігі» («Путь Лидера. В эпицентре мира») және «Тұмар патшайым» атты тарихи туындыларына кастинг әлі де жалғасып жатыр. Енді Қазақстанның Оңтүстік және Батыс облыстарының тұрғындары өз бағын сынап, кино жұлдызына айналуына мүмкіндіктері бар. Кастингке 16 жастан жоғары барлық қазақстандық қатыса алады, деп хабарлайды Baq.kz ақпарат агенттігі. Естеріңізге сала кетсек, үстіміздегі жылдың маусым айында жұмыс атауы «Елбасы жолы. Бейбітшілік кіндігі» және «Тұмар патшайым» атты киножобаларға актерлер арасында республикалық кастинг жарияланған болатын. Бұл фильмдерді ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ «Sataifilm» кинокомпаниясымен бірлесіп түсіргелі отыр. Қоюшы режиссері Ақан Сатаев.
Айта кетсек, аталған фильмдерге кастинг Қазақстанның шығыс өңірлерінде – Семей, Павлодар, Өскемен қалаларында өткізілген болатын. Жақын күндері кастинг Қызылорда, Қостанай, Ақтөбе, Орал, Атырау, Ақтау, Тараз, Шымкент қалаларында өткізілетін болады.
