ЖАСТАР АУЫЛДА ТҮСІНДІРМЕ ЖҰМЫСТАРЫН ЖҮРГІЗДІ
Қазалы көлік-техникалық жоғары колледжі мен «Жастар ресурстық орталығы» КММ ауыл тұрғындары арасында Елбасының «Болашаққа бағдар: Рухани жаңғыру» мақаласы мен баршаға арналған тегін кәсіптік техникалық білім беру жобасын түсіндіру жұмыстарын жүргізуде. Осы аудандағы Мұратбаев, Қарашеңгел ауылдық округтерінде өткен кездесуде «Жастар ресурстық орталығы» КММ-нің кеңесшісі Қуанышбек Тоғысов Елбасы мақаласының маңызы жайлы айтса, Қазалы көлік-техникалық жоғары колледжінің қабылдау комиссиясы хатшылары Нұрбек Асқарбек пен Еркін Құсан баршаға арналған тегін кәсіптік білім беру жобасы жөнінде түсіндіріп өтті.
Шара барысында ауыл тұрғындары мен жұмыссыз жастар мемлекеттік бағдарламалар жөнінде кеңес алып, көкейтесті мәселелеріне жауап тапты.
