ЖЕР ПАЙДАЛАНУДАҒЫ ОЛҚЫЛЫҚТАР ЖОЙЫЛДЫ
Аймақтағы ауыл шаруашылығы мақсатындағы жерді түгендеу жұмыстары нәтижесінде жалпы 311,2 мың гектар жердің пайдаланылмай отырғандығы анықталды. Оның 87,3 % мемлекетке қайтарылса, 31,8 мың гектарын жер иенелушілер қайта пайдалануға кіріскен. Бұл туралы Өңірлік коммуникациялар қызметінде облыстық жер қатынастар басқармасының басшысы Шахмардан Қойшыбаев пен облыстық жердің пайдалануы мен қорғалуын бақылау басқармасының басшысы Қайрат Тоғызбаевтың қатысуымен өткен баспасөз мәслихатында айтылды. Ш.Қойшыбаевтың айтуынша осы жылғы 6 айда ҚР жер қатынастарының сақталуына 236 бақылау шарасы жүргілген. Тексеруде 171 заң бұзушылық деректері анықталды.
Облыстық жердің пайдалануы мен қорғалуын бақылау басқармасының басшысы Қайрат Әбенұлы өз мақсатында игерілмей жатқан 9 жер учаскелерін мәжбүрлеп алып қою мақсатында сотқа талап-арыздар жолданғанын жеткізді. Оның 5-уі мемлекетке қайтарылса, 2-уі пайдаланушы тарапына шешілді. Ал, қалған 2-уі соттың қарауында.
Қазіргі таңда облысымызда жер учаскелерін пайдаланудағы шектеулер және ауыртпалықтар бойынша 79 адам тіркелген. Яғни, оларға тиесілі жерін жалға беруге немесе кепілдікке қоюға заңды түрде рұқсат етілмейді.
