Kyzylorda-News.kz

     Бүгін Астанада Қызылорда облыстық филармониясы жанындағы «Әдемі» балалар музыкалық театр студиясы Г.Остердің «Мазасыз тиін» туындысын Қалибек Қуанышбаев атындағы Мемлекеттік академиялық қазақ музыкалық драма театрында сахналады. Үлкенге сыйластық, кішкентай  балаларға қамқор болу, достарына көмек қолын созу  сынды көріністер спектакльде айрықша сипатталған қойылымда өнерпаздар түрлі аңдардың кейпіне еніп, жануарлардың іс – қимылын, сөйлеген сөзін балаларға шебер жеткізе білді. Қойылым режиссері – Е.Абжалиев, суретшісі – Қ.Өмірбеков. Сонымен қатар қойылымда М.Оразалиева, А.Орынбаева, Н.Ибраева,  М.Әлиханов,  Қ.Абжалиев, Е.Абжалиев және т.б артистер өнер көрсетті.

    Кешке Максим Горький атындағы Мемлекеттік академиялық орыс драма театрында М.Ахунзаденің «Кетпейсің. Болды, кетпейсің...» спектаклінің премьерасы көрсетіледі. Айта кетейік, Спектакльдің қоюшы режиссері – Қазақстанның еңбек сіңірген артисі Мұрат Ахманов. Сондай-ақ, премьераға Сәбит Рахман атындағы Шеки мемлекеттік драма театрының  бас режиссері, Әзербайжан Республикасының өнер қайраткері Мирбала Салимли Сейидаскероглы қатысады.

    Естеріңізге сала кетейік, Астанада «ЭКСПО-2017» халықаралық мамандандырылған көрмесі аясында 10-14 тамыз күндері Қызылорда облысының мәдени күндері өтуде.