АЛТЫ АЙДА 223 МЛН ТЕҢГЕДЕН АСА ЖАЛАҚЫ ҚАРЫЗЫ ӨНДІРІЛДІ
Осы жылдың 6 айында облыстық еңбек саласын бақылау басқармасы 61 мекемеден 1783 жұмысшыға 223,2 млн теңге жалақы қарызын өндіріп берді. Бұл жайында басқарма басшысы Ертілеу Жалғасбаев Өңірлік коммуникациялар қызметінде өткен баспасөз мәслихатында мәлім етті. Жыл басынан бері еңбек инспекциясы әр түрлі меншіктегі 179 мекеме мен кәсіпорынды тексерілген. Тексерулер нәтижесімен 238 заң бұзушылық фактілер анықталды. Сонымен қатар, Қызылорда облысының мемлекеттік кірістер департаменті банкроттық және оңалту рәсімі жүргізіп жатқан 4 кәсіпорында 85 жұмысшыға, барлығы 12,2 млн теңге жалақы қарызы қалыптасып отыр.
Сондай-ақ, өндірістік жарақаттану деректері де тіркелген. Осы жарты жыл ішінде 27 жазатайым оқиға тіркеліп, оның 16 еңбек қызметімен байланысты деп танылған, одан 18-і зардап шегіп, оның 11 ауыр жарақат алған.
