ҚАЗАЛЫДА ЖОЛ ЖӨНДЕУ ЖҰМЫСТАРЫ ЖҮЙЕЛІ АТҚАРЫЛАДЫ
«Қазалы аудандық тұрғын үй-коммуналдық шаруашылығы, жолаушылар көлігі және автомобиль жолдары» КММ мәліметі бойынша бүгінде ауданның коммуналдық меншігінде барлығы 402 км аудандық маңыздағы автомобиль жолдары бар. Бүгінгі күні ауданда Әйтеке би кенті, Қазалы қаласы және елді мекендерде ішілік барлық ұзындығы 349,645 шақырым болатын 424 көше жол тораптары бар.
Жоғарыда аталған елді мекен ішілік көше автомобиль жолдарын жақсарту мақсатында жыл сайын облыстық, республикалық бюжеттерге тиісті ұсыныстар беріліп келеді. Бүгінгі күнге аудандық маңыздағы жолдарды жөндеуге, қайта жаңғыртуға барлығы 365 063,0 мың тенге бөлініп отыр.
Аудандық маңыздағы автомобиль жолдарын күтіп ұстау жұмыстарына да қаржы қаралып, бүгінгі күні мемлекеттік сатып алу процедуралары жүргізілуде.
