САЙЛАУ ҚОРЫТЫНДЫСЫН ЖАРИЯ ЕТТІ
Облыс аудандарында тамыз айының 7-9 аралығында өкілеттік мерзімі аяқталған 67 және өкілеттігі мерзімінен бұрын тоқтатылған 5 кент пен ауылдық округ әкімдерін сайлау өткізілді. Бүгін облыстық сайлау комиссиясының төрағасы Абайбек Жүнісов Өңірлік коммуникациялар қызметінде БАҚ өкілдеріне осы сайлау қорытындысын жария етті. Төрағаның айтуынша сайлау 4 жыл сайын өтеді. Биылғы сайлауда әкімдікке ұсынылған 166 кандидаттың 7-еуі тіркеуге дейін бас тартса, Қазалы ауданынан 10 үміткер тіркелгеннен кейін шығып қалды. Дауысқа 149 кандидат түсіп, оның 72-сі таңдаушылардың көпшілік дауысына ие болып, әкім болып сайланды.
Осы 72 адамның ішінде 50-і әкімдік қызметке қайта сайланып отыр.
