ЖАСТАР АРАСЫНДА ИНТЕЛЛЕКТУАЛДЫ ОЙЫН ӨТТІ
Сырдария ауданында мүмкіндігі шектеулі жастардың қатысуымен интеллектуалды ойын ұйымдастырылды.
«Асыл мұра – Орда» қоғамдық қоры өткізген ойын барысында жастар қазақтың салт-дәстүрлеріне байланысты мақал-мәтелдер айтып сайысып, жұмбақтар шешті. Олар интелектуалдық шара аясында тоғызқұмалақтан да сайысты.
Ойын қорытындысы бойынша жеңімпаздар анықталып, бағалы сыйлықтармен марапатталды.
Жалпы «Асыл мұра – Орда» қоғамдық қоры биыл жылы мүмкіндігі шектеулі жастар арасында түрлі шаралар ұйымдастырып, олардың қоғамға бейімделуіне барынша атсалысып келеді.
