МАЛ САПАСЫН ЖАҚСАРТУ ЖҮЙЕЛІ АТҚАРЫЛУДА
Қазалы ауданында мал тұқымын асылдандыру бағытында жұмыстар бір жүйеге түсті. Мысалы, бүгінде аудандағы Шәкен және Сарбұлақ елді мекендерінен басқа округтерде, кентте, қалада ашылған ветеринариялық пункттер асыл тұқымды бұқалардың ұрықтарын сақтауға арналған дьюар ыдыстарымен, басқа да қажетті жабдықтармен толық қамтамасыз етілді. Мал тұқымын асылдандыру, қолдан ұрықтандыру жұмыстарын ұйымдастыру, үйлестіру және есептілігін жүргізу ветеринариялық станцияның бір қызметкеріне қосымша жүктеліп, жұмыстар жүргізілуде.
Осылайша жыл басынан бері аудандағы елдімекендерден 604 бас мүйізді ірі қара малы қолдан ұрықтандырылып, есепке алынып отыр.
