АУЫЛДА МАЛ АСЫЛДАНДЫРЫЛУДА
Мал ұқымын асылдандыру сапамен қатар түліктен алынатын өнім көлемін де арттырады. Осы бағытта Сырдария ауданында сырттан мал әкелумен қатар, қолдан ұрықтандыру арқылы түлік тұқымын жақсарту шаралары жолға қойылды. Осылайша, ауыл халқы мемлекеттік бағдарламалар арқылы қолдағы малының тұқымын түлете бастады. Ірі қара малды қолдан ұрықтандыру және малдарды асылдандыру мақсатында «Асыл-Тұқым» ЖШС дистрибьютерлік орталығымен келісім-шарт жасалып, аудандық ветеринариялық стансаға қажетті сұйық азот, ұрық қабылданып, ветеринариялық пункттерге жеткізіліп берілді.
Аудан бойынша 2017 жылдың осы уақытына дейін барлығы 281 бас МІҚ малы қолдан ұрықтандырылды.
