ҚАЗАЛЫДА ҮЕҰ ЖҰМЫСЫ ЖАНДАНА ТҮСТІ
Қазалы ауданында үкіметтік емес ұйымдардың жұмысын жандандыру бағытында үкіметтік емес ұйымдармен ынтымақтастық және өзара іс-қимыл жөніндегі кеңес жұмыс жасайды. Кеңес құрамы 2017 жылдың 17 наурызында аудан әкімінің №66 қаулысымен қайта бекітілді. Қазалы аудандық әділет басқармасының мәліметі бойынша ауданда 39 қоғамдық ұйымдар мен қорлар есепке алынған.
Олардың ішінде 19 ұйым қоғамдық шараларға белсене атсалысады. Осы 19 бірлестіктің 100-ден астам қоғамдық негіздегі бастауыш ұйымдары бар.
Осы жылға аудандық бюджеттен мемлекеттік әлеуметтік тапсырыс бойынша 8 жобаға 19 635 000 бөлінген.
Сондай-ақ, Қазалы ауданында «Нұр Отан» партиясы, «Ақ жол» Қазақстан демократиялық партиясы, «Ауыл» халықтық-демократиялық патриоттық партиясы және Жалпыұлттық социалды демократиялық партияларының өкілдерімен бірлесе жұмыстар атқарылуда.
