ЖАСТАР ОРТАЛЫҒЫНЫҢ ОҢДЫ ІСІ КӨП
Жыл басында құрылған «Сырдария аудандық жастар ресурстық орталығы» коммуналдық мемлекеттік мекемесі жастарды ортақ іске жұмылдырып келеді. Бүгінде орталық жастарға арналған мемлекеттік әлеуметтік бағдарламалардың іске асырылуын қолдау көрсетіп, олардың тұрғылықты жері бойынша адресті жұмыстарды жүргізумен қатар жастардың проблемалары мен қажеттіліктерін анықтайтын ақпараттар жинауды жүзеге асыруда;
Алты айда орталық жастар арасында түрлі бағыттағы 72 шара өткізіп, 1380 жас қамтылды. Шаралар барысында және ауданымыздағы жастар көп шоғырланатын жерлерде жастарға кеңес беру жұмыстары жүргізілді.
Орталық бастамаларының алға басуына аудандағы «Мирас» жастар ұйымы» ҚБ, «Сырдария жастары» ҚБ, «Сырдария ауданының аула клубтары» ҚҚ, «Алғыр Ой» КЕЖҚ мүшелері де өз үлестерін қосып келеді.
