Kyzylorda-News.kz

       Облыс әкімдігінің өңірлік штаб отырысының хаттамасы негізінде 2017 жылдың 28 сәуірінде облыстық денсаулық сақтау басқармасы мен Қызылорда облысы бойынша МФҚБКД және фармацевтикалық ұйым басшылары арасында дәрі-дәрмектің шекті бағалары бекітілген меморандум жасалған болатын. Жыл соңына дейін жарамды меморандумға 100 субъект қол қойған.  

    Сонымен қатар, осы жылдың 23 мамырында салалық фармацевтикалық ассоциациялармен келісілген меморандум негізінде дәрілік заттар мен медициналық мақсаттағы бұйымдар толықтырылды.

    Жұмысшы топ дәріханаларда меморандум талаптарының сақталуына рейдтік тексеру жүргізіліп, 151 және 105 атаулы дәрілік заттар мен медициналық мақсаттағы бағаларын, олардың дәріханалық ұйымдарда болуын бақылау жүзеге асырылады, түсіндіру жұмыстары жүргізіледі.

    Сонымен қатар, департамент мамандары меморандумға кірмеген, жиі қолданылатын 100 атаулы ДЗ, ММБ бөлшек сауда бағаларына мониторинг жүргізілуде. Ол бойынша 2016 жылдың қаңтар айынан қазіргі күнге дейін дәрілік заттардың бөлшек сауда бағалары орташа есеппен 14,4% көтерілген.