Kyzylorda-News.kz

     Ертең сағат 10:00-де «Облыстық футбол жөніндегі олимпиадалық резервтің мамандандырылған балалар – жасөспірімдер мектебі» КММ спорттық алаңында жастар арасында өрт-құтқару спортынан VII ел чемпионаты  (Локомотив стадионы) жалауын көтереді.

• Чемпионатқа еліміздің барлық өңірінен 22 команда қатысып (олардың 3-еуі Жас құтқарушылар командалары) отыр. Сайысқа түсетін командалар құрамына жасөспірімдер арасындағы өрт-қолданбалы және құтқару спортынан халықаралық сайыстардың жеңімпаздары да енген.  
• Чемпионат бағдарламасы 100-метрлік жолақты бағындыру, өрт эстафетасы,  оқу мұнарасының қабаттарына буынды сатымен көтерілу, жауынгерлік қанат жаю секілді ережелерден тұрады.

Жарыстың ашылуынан кейін осы стадионда   оқу мұнарасының қабаттарына буынды сатымен көтерілу сайысы басталады.

 Жүз метрлік жолақты бағындыру жарысы  осы күні сағат 15:00-де Ғани Мұратбаев атындағы орталық стадионда өтеді.

          Спортшылар арасында өрт эстафетасы, жауынгерлік қанат жаюдан өтетін сайыс 10 тамызда сағат 9:00-де Ғани Мұратбаев атындағы орталық стадионда басталады.

          Облыстық ТЖД ұжымы чемпионатты тамашалау тегін екендігін ескертіп, бәріңізді жастар арасындағы жарысқа жанкүйер болуға шақырады.