ЕЛЖАНДЫЛЫҚТЫ НАСИХАТТАҒАН КӨРМЕ
Ә.Тәжібаев атындағы облыстық әмбебап ғылыми кітапханасының аванзалында «Рухани жаңғыру - ұлттың жаңғыруы» атты кітап көрмесі ұйымдастырылды. Елбасы Нұрсұлтан Назарбаевтың «Болашаққа бағдар: Рухани жаңғыру» мақаласын насихаттаған көрменің мақсаты мемлекеттік тіліміз бен әдебиетімізді, мәдениетімізді, ұлттық рухымызды жаңғырту. Өскелең ұрпақтың бойына елжандылық, ұлтжандылық қасиеттерін сіңіру.
Оқырмандар Қазақстан Президенті Н.Назарбаевтың «Мәңгілік ел. Ғасырға бергісіз жылдар» атты кітабын қызыға тамашалады. «Ұлы дала тарихы» кітабынан халықтың ұрпақтан ұрпаққа беріліп отырған ауызша тарихына, шежіресіне қанықты.
«Қазақтың батырлық жырлары» жобасында ел қорғаған елу батыр туралы жырлар қамтылды. Ал «Мәдени мұра» бағдарламасы аясында жарық көріп отырған «Қазақтың дәстүрлі 1000 әні», «Қазақтың дәстүрлі 1000 күйі» жобаларының заңды жалғасы ретінде ата-бабаларымыздың мәдени мұрасын түгендеуге қосылған лайықты үлес әрі болашақта жаңа жырлармен толыға түсетін бірегей жоба.
Кітап көрмесіне жалпы 300-ге жуық кітаптар қойылды.
