Kyzylorda-News.kz

  Бүгін «Сыр медиа» ЖШС ұжымы елордада өтіп жатқан халықаралық көрмеге   ақпараттық қолдау көрсету мақсатында Астана қаласына жолға шықты. Топ құрамында cеріктестікке қарасты барлық газет редакциялары мен бөлімдерден жиырма қызметкер бар. Әріптестеріміз Астанадағы Қызылорда облысының мәдениеті күндері шараларын да насихаттайды.

Қызылорда облысының мәдениет күндері аясында 10 тамыз күні Н.Бекежанов атындағы қазақ музыкалық драма театры ұжымы Астана көрермендеріне Иран Ғайыптың «Қорқыт», 11 тамыз күні М.Ф.Ахунадзенің «Кетпейсің. Болды, кетпейсің...» қойылымдарын ұсынады. Сондай-ақ, кішкентай көрермендер үшін «Әдемі» балалар музыкалық театр студиясы Г.Остердің «Мазасыз тиін» қойылымын әзірлеп отыр. Елордалықтардың Сыр өнеріне деген бағасынан біз әріптестеріміз арқылы хабардар боламыз.

 Сондай-ақ, «Сыр медиа» ұжымы 12 тамыз күні «Сыр самалы» вокалды аспапты ансамблінің және эстрадалық дуэт, трио, квартет орындаушыларының шоу концертіне барады. Бұл күні ауыл шаруашылығы өнімдері жәрмеңкесінен ақпарат тарату да жоспарға енгізілген.