Kyzylorda-News.kz

     Облыстық экономика және бюджеттік жоспарлау басқармасының дерегінше 2017 жылдың шілде айында 2016 жылдың желтоқсанына қарағанда тұтыну бағасының индексі - 103,0 пайызды құрады, оның ішінде азық-түлік тауарларына баға индексі - 103,5 пайыз, азық-түлік емес тауарларға – 104,0  пайыз, ақылы қызметке – 101,2 пайыз болды.

     Облыстық статистика департаментінің ақпараты бойынша   сәбізге - 13,1%, басты пиязға - 7,6%, жұмыртқаға - 6,9%, кофеге - 5,8%, жарма өнімдеріне - 3,3%, кондитерлік өнімдерге - 2,3%, қантқа - 1,9%-ға өскені байқалды. Ал керісінше қызанақ бағасы 42,1%, қияр 29,8%, картоп 29,0%, тәтті бұрыш 25,6%, қырыққабат 7,1%, қызылша 2,5%-ға арзандаған.

    Азық-түлік емес тауарлар тобында бағаның өсімі баллондағы сұйытылған газға 8,8%, тұрмыс пен бағбандықта қолданылатын саймандар мен техникалар - 4,7%, жуғыш және тазалағыш құралдарына - 2,1%, үй жануарларына арналған азықтар - 3,4%, дизель отынына -1,2%-ды құрады.