ЖАСТАР КӘСІПОРЫНДАР ЖҰМЫСЫМЕН ТАНЫСАДЫ
Қызылорда облысының жастар саясаты мәселелері басқармасының қолдауымен «Жас құрылысшылар» еңбек жасағы облыстық штабы Ресей Федерациясында «Нанотехнология», «Тау-кен ісі», «Өндірісті автоматтандыру», «Наноэлектроника» мамандықтары бойынша грант негізінде білім алушы жастарға «ШалқияЦинк ЛТД» АҚ, «Қуат әк» ЖШС, «СКЗ – U»ЖШС,«Байкен – U» ЖШС кәсіпорындары жұмысымен таныстыру мақсатында экскурсия ұйымдастуды жоспарлап отыр. Бұл туралы басқарманың баспасөз қызметі хабарлады. Шара барысында жастар өндіріс орындарының күнделікті жұмысымен және мекеменің тарихымен танысып, тәжірибелі мамандармен еркін сұхбат жасап, өздерін қызықтырған сұрақтарға жауап алады.
«ШалқияЦинк ЛТД» АҚ қорғасын-мырыш кенін өндірумен және шығарумен айналысады, қорғасын және мырыш концентратын шығаратын ең ірі мекеме.Келесі «Қуат әк» ЖШС, «СКЗ – U»ЖШС,«Байкен – U» ЖШС ірі кәсіп орындардың жұмысымен танысумен жалғасады.
Экскурсияның негізгі мақсаты Ресей федерациясында оқып жатқан жастарды болашақ жұмыс орындарымен таныстырып, кәсіпорын басшылығымен байланыс орнату болып табылады.
