КҮРЕ ЖОЛДЫҢ БОЙЫНДА ТІРШІЛІК БАР
Қызылорда қаласының туристік әлеуетін дамыту мақсатында «Батыс Еуропа - Батыс Қытай» халықаралық көлік дәлізі бойында шағын бизнес нысандарын салу, Сырдария өзені жағалауында демалыс орнын ұйымдастыруға баса мән берілуде. Көлік дәлізінде «ҚазАвтоЖол» АҚ-ң өңірлік филиалы, жергілікті әкімдіктермен келісілген 41 жол бойы сервистік нысан салынатын жер белгіленген, оның тоғызы қала үлесінде. ЖК «Сейтжаппарованың» 1829 шақырымдағы қонақ үй кешені кафесінде 20 адам тұрақты жұмыспен қамтылған. Қосымша ғимараттарының құрылыс жұмыстары жалғасуда. Сондай-ақ, «ҚазМұнайГаз Өнімдері» ЖШС-нің жанар-жағар май құю бекеті жұмыс жасап тұр.
Халықаралық көлік дәлізінің Қаратабан қонысының тұсынан ЖК Г. Гейдарованың азық-түлік, қосалқы бөлшек дүкені, дәмхана, жүк және жеңіл автокөліктерге арналған асфальтталған автокөлік тұрағы күре жолдың бойындағы тіршілікті жандандырып тұр.
Жарты әлемді жалғаған автодәліз бойындағы жобалар алда да жүзеге аса береді.
