ЖҰМЫС ОРЫНДАРЫ ЖӘРМЕҢКЕСІ ЖИІ ӨТКІЗІЛЕДІ
Жалағаш ауданында «Нәтижелі жұмыспен ұамту және жаппай кәсіпкерлікті дамыту» бағдарламасы аясында жүйелі жұмыстар атқарылуда. Бағдарлама аясында аудан бойынша әлеуметтік жұмыс орнына республикалық бюджеттен 50 адамға 13 756,0 мың теңге қаржы қаралып, есепті мерзімге 32 мекемеге 62 адам (124%) жолданды.
Жастар тәжірибесіне республикалық бюджеттен 80 адамға 27 216,0 мың теңге қаржы бөлініп отыр. Осыған сәйкес 39 мекемеге 58 адам (72,5%) жіберілді.
Қоғамдық жұмыстарды ұйымдастыру да ескерусіз қалған жоқ. Есепті мерзімге қоғамдық жұмыстарды ұйымдастыруға 54 жұмыс берушіден 885 жұмыс орнына сұраныс түсіп, 355 адам қоғамдық жұмыстарға жолданды.
Осы жылдың 1 маусымында аудан бойынша мемлекеттік қолдау шараларынсыз жұмысқа орналасқандар саны 254 адамға жетті.
Есепті мерзімде «Бос жұмыс орындары» жәрмеңкесі 6 рет өткізіліп, тұрғындар 35 жұмыс беруші ұсынған 50 жұмыс орнына орналастырылды.
