БАҒДАРЛАМА АЯСЫНДА 13 ЖОБА ІСКЕ АСАДЫ
Халықты нәтижелі жұмыспен қамтуға жәрдемдесу және азаматтарды жаппай кәсіпкерлікті ынталандыру мақсатында 2017 жылдан бастап «Нәтижелі жұмыспен қамтуды және жаппай кәсіпкерлікті дамыту бағдарламасы» жүзеге асырыла бастады. Бағдарлама еңбек нарығында сұранысқа ие кәсіптік біліктілікті, дағдыларды меңгерудің тиімді жүйесін және жаппай кәсіпкерлікті дамытуға бағытталған.
Жалағаш ауданы бойынша кәсіпкерлік картасына сәйкес бағдарламаның екінші бағыты аясында несие алуға өтініш білдірген 86 азаматтардың жобалары әзірленген болатын. 51 жоба «Ауылшаруашылығын қаржылай қолдау қоры» АҚ және «Казагрокорпорация АКК» АҚ қаржы ұйымдарына ұсынылды. Қазіргі таңда олардың ішінен 13-жобаға оң шешім берілген.
