ІЗДЕГЕН ЖАНҒА ЖҰМЫС БАР
Биыл Сырдария ауданында 680 жаңа жұмыс орнын құру жоспарланған болатын. Ал үстіміздегі жылдың маусым айына дейін 420 жаңа жұмыс орны құрылды. Аудан әкімдігінің мәліметіне сәйкес ауданда жыл басынан бері 92 мекемеден 108 бос жұмыс орнына сұраныс беріліп, 4 рет жәрмеңке өткізілген екен. Жәрмеңкеге 189 жұмыссыз қатысып, нәтижесінде 108 адам тұрақты жұмысқа, 52 тұрғын ақылы қоғамдық жұмысқа, 5 азамат әлеуметтік жұмыс орындарына, тағы 13 жұмыссыз жастар тәжірибесіне жіберіліп отыр.
Жалпы осы жылдың маусым айына дейін аудандық халықты жұмыспен қамту орталығына 1146 адам хабарласып, 323 адам тұрақты жұмысқа орналастырылған.
