Kyzylorda-News.kz

     Қазіргі таңда еліміз бойынша түрлі бағыттағы шаруаны қолға алып, мемлекеттен берілетін қаржылай несиеге ие қол жеткізіп келе жатқан шағын және орта бизнес өкілдері көбейіп келеді. Бүгінде мемелекет жасаған мүмкіндіктердің арқасында көптеген жандар өздері қалаған кәсіпті қолға алып жатыр. Сондай жандардың бірі Қамыстыбас елді мекенінде тұратын жеке кәсіпкер Балзада Асанова.

    Ол өткен жылы «Құлан» бағдарламасы бойынша мемлекеттен 10 млн теңге несие алып, жұмысын бастап кеткен қожалықта  бүгінде 35 бас бие мен 4 асыл тұқымды айғыр бар. Қамбар ата тұқымын асылдандырып, текті жануардың санын еселемекке бел буған  кәсіп иесі өздеріне мемлекет тарапынан көрсетіліп отырған қолдауға ризашылығын білдірді.

    -Шүкір, қазіргі уақытта шаруа жасаймын деген жанға мемлекет барлық мүмкіндікті жасап отыр ғой. Кейде өзіміз сол мүмкіндіктерді пайдалануға құлықсыз болып жатамыз. Қазір шүкір, үкімет берген ақшаға азын-аулақ жылқы малын алып, бағып жатқан жайымыз бар. Қолдау арқылы елде мал шаруашылығы қанат жая түседі деп ойлаймын,-дейді шаруа қожалығының жетекшісі Б. Асанова.