ҚАРМАҚШЫДА ҚҰРЫЛЫС ҚАРҚЫНДЫ
Биыл Қармақшы ауданында құрылыс саласы бойынша көптеген жұмыстар атқарылуда. Қуандария ауылындағы №186 орта мектеп құрылысы мен аудан орталығындағы екі 920 орындық балабақша құрылыс жұмыстары аяқталып, пайдалануға берілді. Төребай би және Иіркөл ауылдық округтерінде 50 орындық балабақшалардың құрылысы жүргізілуде, олар да өз мерзімінде ел игіліне пайдалануға беріледі деп күтілуде. Сонымен бірге, ауданда ауыз су жүйесін жүргізуде де ауқымды жұмыстар атқарылуда. Ауданда салынып жатқан іргелі құрылыстың бірі «Тәуелсіздіктің 25 жылдығы» шағын мөлтек ауданындағы 300 орындық №183 орта мектеп. Осыған дейін аймағымызда көптеген әлеуметтік нысандарды халық игілігіне пайдалануға беруге атсалысқан білікті сала маманы Әділхан Маштаев басшылық жасайтын «Аман-Құрылыс» жауапкершілігі шектеулі серіктестігінің құрыш қолды құрылысшылары мектепті өз мерзімінде тапсыруға жұмыстар атқаруда.
