ЖАСТАР КОМИТЕТІ ҚҰРЫЛДЫ
Жуырда облыс әкімдігінде өткен аппарат мәжілісінде аймақ басшысы облыс көлемінде орналасқан ірі кәсіпорындар мен мекемелерде жастар ісі жөніндегі комитет құру туралы бастама көтерген еді. Нәтижесінде «Жалағаш аудандық жастар ресурстық орталығы» КММ-нің ұйымдастыруымен амбулаториялық-емханалық қызметі бар аудандық орталық ауруханада жастар ісі жөніндегі комитеті құрылды. Белсенді жас маманды комитет төрағалығына сайлау мақсатында жас мамандардың дауыс беруімен комитет төрағасы болып медициналық статист Е.Жақсылық сайланды.
Аталмыш жиын «КРЭК» АҚ-ның Жалағаш аудандық электр торабы мекемесінде де өткізілді. Нәтижесінде жаңа комитет құрылып, М.Әлімбаев комитет төрағасы болып сайланды.
Аудандағы кәсіпорындар мен мекемелерде жастар ісі жөніндегі комитеттерді құру, оған белсенді жастарды тарту және олардың жұмысын үйлестіру алдағы уақытта да жүйелі түрде жүргізілмек.