Kyzylorda-News.kz

     Жалағаш ауданында Конго-Қырым індетіне қарсы шаралардың орындалуына бақылау жұмыстарын күшейту ұдайы назарда тұр. Осы мақсатта аудандағы ауылдық округтерде жергілікті шаруа қожалықтары мен демеушілер күшімен мал тоғытатын ванналар салынып, мал тоғыту жұмыстары жүргізілді. Кент және ауылдық округтер бойынша 19 165 бас уақ малдар тоғытылды.

     Ауданда сарып індетіне қарсы 16900 сиыр, 30211 уақ мал тексеріліп,   Мырзабай ахун ауылынан анықталған 1 уақ мал ветеринариялық-санитариялық ережелерге сәйкес жойылды. Ал Далдабай ауылынан осы індетке шалдыққан 3 уақ мал жасалынған меморандумға сәйкес Түркістан қаласына тасымалданып, ветеринариялық – санитариялық ережеге сай сойылды.

    Сондай-ақ, қаңғыбас иттер мен мысықтарды аулап, жоюды ұйымдастыруға қаралған қаржы есебінен 674 ит пен 15 мысық жойылды. Бұл жұмыстар одан әрі жалғасуда.