ҚОҒАМДЫҚ БІРЛЕСТІК КЕШЕНГЕ САПАР ҰЙЫМДАСТЫРДЫ
Сырдария аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің қолдауымен аудандық «Мүгедектер қоғамы» қоғамдық бірлестігі мүмкіндігі шектеулі азаматтардың қасиетті Қармақшы ауданына сапарын ұйымдастырды. Қорқыт ата кешені және «Экспо-2017» халықаралық көрмесіне орай ашылған этноауылмен танысуды мақсат еткен оларды сала мамандары мен үкіметтік емес ұйым қызметкерлері бастап барды.
Сапар аясында «Мүгедектер қоғамы» қоғамдық бірлестігінің өкілдері мемлекет тарапынан мүгедектерге көрсетіліп жатқан қолдаулар туралы мағлұмат берді.
Бірлестік қолдауымен қасиетті өңірге табан тіреген азаматтар өздеріне көрсетілген қамқорлыққа ризалықтарын жеткізді.
