Kyzylorda-News.kz

 

    Оңтүстік өңірлік аэроұтқыр жедел құтқару жасағының құтқарушылары «Сырдария» лагерінде балаларға суда жүзу ережелерін түсіндіріп, айдындағы қауіпсіздік сабақтарын өткізді.  

     Облыс су айдындарында балалар қазасын болдырмау, судағы қауіпсіздік туралы білімдерін жетілдіру және төтенше жағдайлардың алдын алу бағытындағы бұл сабақтар жүйелі түрде өткізіліп тұрады.

    Сабақ барысында балаларға алғашқы медициналық көмек көрсету жаттығулары көрсетілді. Балалар құтқарушылардың сабағына қызығушылық танытып, белсене қатысты.

    Құтқарушылар балаларға суда жүзе білу қауіпті сәтте өз өміріңді сақтап қалудың басты кепілі екендігін жеткізді. Сонымен қатар, лагерь демалушыларына  барлық қауіпсіздік талаптарына сай жабдықталған жағажайда шомылу қажеттігі айтылды.