Kyzylorda-News.kz

           Қазалы аудандық сәулет және қала құрылысы бөлімі   есебінше үстіміздегі жылдың 6 айында  жалпы алаңы 12342,7 шаршы метр болатын жеке тұрғын үйлер салынды.  Сонымен қатар, 11 құрылыс нысаны қабылданды. Олардың қатарында 200, 140, 100 орындық балабақшалар, 50 орындық мектеп, «Бордақылау алаңы», «Шымкент-Қандыағаш» магистралдық талшықты оптикалық байланыс желісі, тойхана, кафе, антенна мұнарасы құрылыстары бар.  Сонымен қатар, автомобиль жолдарын жөндеу, жаңа тұрғын кварталдарының көшелерін электрмен жабдықтау жұмыстары да қабылданды.

          Шағын және орта бизнесті дамыту мақсатында Әйтеке би кентінің солтүстік беткейінен кәсіпкерлік мақсатындағы көлемі 57 гектар жаңа аумақтың құрылысын салу жобасы әзірленді. Жоба бойынша қонақ үй, сауда үйлері, дәмхана, ашық базарлар, монша, жанар-жағармай бекеттері, автокөліктерге қызмет көрсету орталықтары, қоймалар нысандары орналасады.          

          Сонымен қатар, Қазалы қаласы, Басықара, Үрмәш Түктібаев, Ақтан батыр ауылдарының абаттандыру мақсатында нобайлық жобалар жасалды. Жобаларда жаңа орталық алаңдары, жастар саябақтары, спорт және балалар ойын алаңдары қарастырылған және де мерекелік іс-шаралардың орналасу сызбалары дайын тұр.